ድምጺ ኣመሪካ

ኣምንስቲ ደብዳብ ነፈርቲ ኣሜሪካ ኣብ ሶማል ሰላማዊያን ሰባት ቐቲሉ’ዩ ክብሉ ከሲሱ፡ ኣሜሪካ ግን ነዚ ትነጽግ

ኣብ ሶማል ነፈርቲ ውግእ ኣሜሪካ ብዝፈጸምዎ ደብዳብ ኣብዚ ዝሓለፈ ክልተ ዓመታት ብውሑዱ 14 ሰላማዊያን ሰባት ተቀቲሎም ክብል ጉጅለ ተሓላቂ ሰብኣዊ  መሰላት ኣምንስት ኢንተርናሽናል ኣብ ዝዘርግሖ ጸብጻብ ኣፍሊጡ። ሰራዊት ኣሜሪካ ግን ነቲ ክሲ ኣሉታ ሂቡ’ሎ። እቲ ሕቡእ ኹናት ኣሜሪካ ኣብ ሶማል ብዝብል ኣርእስቲ ዝወጸ 73 ገጻት ዝሓዘ ጸብጻብ ብምክንያት’ቲ ንኣልሸባብ ንምድካም ተባሂሉ ዝፍጸም መጥቓዕታት ነፈርቲ ኣሜሪካ ሞይቶም ዝተባህሉ ሰላማዊያን ሰባት ትኹረት ዝገበረ’ዩ። ኣብ ኣምንስቲ ኢንተርናሽናል ተመራማሪ ሶማልያዊ ዓብዱላሂ ሓሰን ከምዚ ይብል። “እዚ ጸብጻብ ብውሑዱ 14 ሰላማዊያን ሰባት ከምዝተቐትሉን 8 ከምዝቆሰሉን ተአማኒ መርትዖ ዝሓዘ’ዩ። እዚ ጉድኣት ዝወረደ ካብቲ ኣብ ሶማል ዝተፈጸመ ልዕሊ ሓደ ሚእቲ ደብዳባት ነፈርቲ ኣብ ሓሙሽተ ጥራይ’ዩ እዚ ደብዳባት ነፈርቲ ኣብ ዞባ ታሕተዋይ ሸበሌ ዝተፈጸመ’ዩ” ኢሎም። ምሉእ ትሕዝቶ ኣብዚ ምስማዕ ይክኣል።    

VOA60 World PM - Bosnian Serb War Criminal Appeals Sentence, Ends Up With More Time in Prison

Bosnian Serb War Criminal Appeals Sentence, Ends Up With More Time in Prison

VOA60 America - U.S. Secretary of State Mike Pompeo is in the Middle East for security talks throughout the area

U.S. Secretary of State Mike Pompeo is in the Middle East for security talks throughout the area

VOA60 Africa - Mozambique Begins 3 Days of National Mourning for Cyclone Victims

Mozambique Begins 3 Days of National Mourning for Cyclone Victims

አባገዳን ናይ ቴክኒክ ኮሚቴን ናብ መሰልጠኒ ማእከል ዝኣተው አባላት ኦነግ ተዘራሪቦም

ኣባ ገዳን ናይ ቴክኒክ ኮሚቴን ንስልጠና ናብ ማእኸል መሰልጠኒ ጦላይ ምስ ዝኣተው ዕጡቓት ግንባር ሓርነት ኦሮሞ/ኦነግ/ ምዝርራቦም ተፈሊጡ። እቲ ናይ ቴክኒክ ኮሚቴ ንዝቐረቡ ሕቶታት ብምምላስ ካብ ዓቕሙ ንላዕሊ ዝኾኑ ንላዕለዎት ሰበስልጣን ንምቕራብ ምስምምዖም ገሊፆም። ናብ ማእኸል መሰልጠኒ ጦላይ ዝኣተው ዕጡቓት ኦነግ ዝተኣተውሎም ኩሎም መፅብዓታት ከምዘይተፈፀሙ ይገልፁ።ሰንጢ ብዝምል ሳጓ ዝፅዋዕ ኣባል ኦነግ ኣብ ዝሓለፈ ሰሙን ምስ ኣባላት ኮሚቴ ቴክኒክ ምዝርራቡ ይገልፅ። “ንኣስታት ሰለስተ ሰሙናት ኢና ፀኒሕና።ስልጠና እውን ኣይጀመርናን።ኣብ ዝሓለፈ ግዜ ኣባ ገዳታትን ናይ ቴክኒክ ኮሚቴን መፂኦም ናብ ውሽጢ ብዘይ ምእታዎምን ሓዊስካ ቅር ኢሉና እዩ።”  ኣብቲ ዝርርብ ዝተልዓሉ ነጥብታት ድሕሪ ስልጠና መፃኢ ዕጫ ዕጡቓት ኦነግ እንታይ እዩ? ሕጂ እውን ሰባት ብሽም ኦነግ ኣብ ክልል ኦሮሚያ ይእሰሩ ኣለው ዝብሉን ካልኦት ምዃኖም ሰንጢ ገሊፁ። ዝተልዓሉ መብዛሕቲኦም ሕቶታት ንመንግስቲ ዝምልከቱ ብምዃኖም ንላዕለዎት ሰበስልጣን መንግስቲ ሕቶታት ሒዞም ምምላሶም ኣባል ኮሚቴ ቴክኒክ ዝኾኑ ኣቶ ሞገስ ኢዳኤ ገሊፆም።እቲ ናይ ቴኪኒክ ኮሚቴ ንዝተልዓሉ ሕቶታት መልሲ ምሃቡ እውን ገሊፆም። “ኣብ ፖሊስታትን ስትራተጂታትን መንግስቲ እዮም ስልጠና ዝውሃቦም ዘሎ።እቲ ስልጠና ዝወስዶ ግዜ ብዝቐርብ ዓይነት ስልጠናን ናይ ሰልጠንቲ ናይ ምቕባል ዓቕሚን ከምዝውሰን ኢና ገሊፅናሎም።ብዛዕባ ኩነታት እቲ ክልል፣ልዕልነት ሕጊን ብዛዕባ መፃኢ ዕድል ስራሕን ኣልዕሊሎም ድሕሪ እቲ ስልጠና መንግስቲ ብትልሚ ሕቶታቶም ከምዝምለሰሎምን ኢና ሓበሬታ ሂብናዮም።”  ኣብቲ ኮሚቴ ኣባል ኦነግ ዝኾኑ ኣቶ ኬነሳ ኣያና ኦነግ ነቶም ዕጡቓት ብመልክዕ ሕድሪ ንህዝቢ ኦሮሞን ኣባ ገዳን ካብ ዘረከበሉ ዕለት ጀሚሩ ዘለዎም ሕቶ ብኣባ ገዳ ኣቢሎም እምበር ብቐጥታ ከቕርቡ ኣይክእሉም’ዮም ኢሎም ።  ዕጡቓት ኦነግ ምስቲ ኮሚቴ ድሕሪ ምዝርራቦም ዝሓለፈ ሶኑይ ስልጠና ምጅማሮም ናይቶም ዕጡቓት ኣባል ሰንጢ ንድምጺ ኣሜሪካ ገሊፁ’ሎ። ምሉእ ትሕዝቶ ኣብዚ ምስማዕ ይክኣል።

ሰበ ስልጣን ኢጣልያ ንአባላት ስደተኛታት ዝጸዓነት መርከብ ይምርምርዎም ከምዘለው ተገሊጹ

ሰብ ስልጣን ኢጣልያ፡ ንትእዛዝ ሚንስትር ውሽጣዊ ጉዳያት’ታ ሃገር ዝጠሓሰት ብናይ ግብረ ሰናይ ትካል ትውነን መርከብ ‘ማረ ሎኒ’ ኣብ ትሕቲ ቀይዲ ከምዘእተውዋን ንአባላት’ታ መርከብ ይምርምርዎም ከምዘለዉ ተገሊጹ።   ብሶኑይ ካብ ገማግም ባሕሪ ዝደሓኑ 49 ስደተኛታት ዝጸዓነት መርከብ ናብ ወደብ ላምፓዱሳ እንተበጽሓት’ኳ ሰበ ስልጣን ኢጣልያ ነቶም ስደተኛታት ከምዘይቕበልዎም ክገልጹ ጸኒሖም’ዮም እንተኾነ እቶም 12 ትሕቲ ዕድመ ዝርከብዎም  49 ስደተኛታት ትማሊ ሶሉስ ኣብ ወደብ ላምፓዱሳ ዝተራገፉ ኽኮኑ ከለው ሰበ ስልጣን’ታ ሃገር ግን  ወደባትና ንስደተኛታት ዕጽዋት’ዮም ዝብል ትእዛዝ ሚንስትር ውሽጣዊ ጉዳያት’ታ ሃገር ጥሒሶም’ዮም ብዝብል ኣብ ልዕሊ ኣባላት’ታ መርከብ ምርመራ የካይዱ ከምዘለው ተገሊጹ።   እቶም ሰበ ስልጣን መጀመርያ ንወናኒን ካፕቴንን’ታ መርከብ ሕቶታት ዘቕረቡ ክኮኑ ከለው ቀጺሎም ሎሚ ረቡዕ ንካልኦት አባላት’ታ መርከብ ብዛዕባ’ቲ ናይ ህይወት ኣድሕን መስርሕን ምሕጋዝ ስደተኛታትን ሕቶታት የቕርቡ ከምዘለው ተፈሊጡ`ሎ።   ወናኒ’ታ መርከብ ቤፐ ካሲያ ነተን መራኽብ ኣብ ማያት ኢጣልያ ከይኣትዋ ዝክልክል ወግዓዊ ጽሑፍ ከርእይዎ ከምዝሓተተ እንተኾነ ዋላ ሓደ ወግዓዊ ወረቐት ከምዘይቐረበሉ ይገልጽ።   ወሃቢት ቃል ነታ መርከብ ዘንቀሳቅስ `መዲተራንያ’ ዝተባህለ ትካል ግብረሰናይ -ኣሌሳንድራ ስኩርባ  “ነቶም ስደተኛታት ናብ ሊብያ ንምውሳድ ብሰበስልጣን ሊብያ ኮነ ኢጣልያ ዝወጸ ትእዛዝ የለን” ትብል።   ሰበ ስልጣን ኢጣልያ እታ መርከብ ኣብ ወደባት ሃገሮም ክትዓርፍ ፍቓድ ኣይረኸበትን ክብሉ ከለው ናይታ መርከብ ካፕቴን ግን ብሰንኪ ናይ ጸጥታ ምክንያትን ኩነታት ባሕሪን እቶም ስደተኛታት ኣብታ መርከብ ክጸንሑ ኮነ ክምለሱ ከምዘይክእሉ ብትሪ ክምጉት ምጽንሑ ይገልጽ።   ከንቲባ ላምፓዱሳ ሳልቫቶረ ማተሎ ግን “ብመሰረት ሕጊ ማያት ናይ ኢጣልያ ባንዴራ ሒዛ ትንቀስቀስ መርከብ ኣብ ወደባት ኢጣልያ ክትዓርፍ ኣለዋ” ኢሎም።   እቶም ካብ ማእከላይ ባሕሪ ዝደሓኑ ስደተኛታት ኣብ`ዚ ሕጂ እዋን ኣብ ላምፓዱሳ ግዝያዊ መዕቆቢ ከምዝርከቡ ተፈሊጡ’ሎ።   ሚንስትር ውሽጣዊ ጉዳያት ኢጣልያ ማትዮ ሳልቪኒ  ብግብረ ሰናይ ትካላትን ዝወነና መራኽብ ዝድሓኑ ስደተኛታት ናብ ሃገሮም ከይኣትው ድሕሪ ምክልካሎም ቁጽሪ ኢጣልያ ዝኣትው ስደተኛታት ጎዲሉ`ሎ።    

ንገጠምቲ ኣቤል ጉዕሽን መለስ ንጉሰን ዘተኣናገደ መደብ ህዝቢ ምስ ህዝቢ

‘ግጥሚ ካብ ተፈጥሮን ብትምህርቲን ዝቕሰም ከምዝኾነ’ ይኣምኑ ክልተ ስነ-ጥበባዊያን ኣጋይሽ መደብ ህዝቢ ምስ ህዝቢ። ኣቤል ጉዕሽን መለስ ንጉሰን። መለስ ክዛረብ ከሎ ‘ብመንጽር ግጥሚ፣ ወለድና ኣብ ዓበይቲን ወሰንቲን ዛዕባታት ህይወት ካብ’ቲ ተማሂረን ፈሊጠን ዝብል ናይና ወለዶ ዝበለጸን ዝገርሙን ኣተሓሳስባታት’ ነይሩዎምን ኣለዎምን’ ይብል። ኣቤል ብወገኑ ‘ናይ ተፈጥሮ ዕድሎት፣ ናይ ተፈጥሮ ህያብ፣ ግጥሚ ክስራሕ ከሎ ንኩነታትን ክስተታትን እናሓሰብካ ምግጣም ግድን’ዩ፣ ስለዚ ውህላል ስሚዒታት’ዩ’ ኢለ’የ ዝኣምን በለ።  

ኤርትራ ኣብ መበል 14 ኣህጉራዊ ውድድር ብሽክለታ ሻምፕዮን ኣፍሪቃ ተዓዊታ

ኤርትራ ኣብ`ቲ ኣብ ባህርዳር ኢትዮጵያ ዝተኻየደ መበል 14 ኣህጉራዊ ውድድር ብሽክለታ ሻምፕዮን ኣፍሪቃ ተዓዊታ። ኤርትራ ኣብቲ  መጋቢት 14 ጀሚሩ ትማሊ ሰሉስ 19 መጋቢት ዝተዛዘመ ውድድር ብሽክለታ ሻምፕዮን ኣፍሪቃ፡ ብ 7 ወርቂ፡6 ብሩርን 4 ነሃስን ቀዳመይቲ ክትከውን ከላ፡  ኢትዮጵያ ብ7 ወርቂ፡ 5 ብሩርን 2 ነሓስን ካልኣይቲ፡ ሩዋንዳ ድማ ብ2 ወርቂ፡2 ብሩርን 3 ነሃስን ሳልሳይቲ ብምኳን ተዓዊተን ኣለዋ። ኤርትራ ኣብ ናይ መወዳእታ ኣርባዕተ መድረኻት’ቲ ውድድር ኣርባዕተ ወርቂ ብምርካባ ነዚ ዓወት ዝበቕዓት ክትከውን ከላ  ብደቂ ተባዕትዮን ደቂ ኣንስትዮን ኤሊት ዝተኻየደ ውድድር፡ ክልተ አሕዋት ማለት ሞሳና ደበሳይን መክሰብ ደበሳይን ተዓወቲ ኮይኖም ኣለው። ሳልሳይ ሓዎም`ውን ኣብ`ቲ ውድድር መዳልያ ምዕዋቱ ተፈሊጡ`ሎ። ኣብቲ ውድድር ተቐዳደምቲ 16 ሃገራት ምስታፎም ተፈሊጡ’ሎ። ኦሎምፒክ ቶክዮ 2020 ነዚ ውድድር ብሽክለታ ሻምፕዮን ኣፍሪቃ 2019 ብዝምልከት ኣብ ዘውጽኦ ናይ ትዊተር መልእኽቲ፡ ሞሳና ቀዳመይቲ ንኤርትራ ኣብ ውድድር ኦሎምፒክ ትውክል ጓልኣንስተይቲ ክብል ከሎ፡ ሓዋ መክሰብ ደበሳይ ድማ ናብ ኦሎምፒክ ቶክዮ 2020 ምሕላፉ ኣረጋጊጹ’ሎ ኢሉ።  

አባገዳ ማህበረሰብ ጌድኦ ካብ ምዕራብን ምብራቕን ጉጂ ዝተመዛበሉ ዜጋታት ነባሪ ፍታሕ ክረኽቡ ሓቲቶም

ኣባገዳ ማሕበረሰብ ጌድኦ ካብ ምዕራብን ምብራቕን ጉጂ ተመዛቢሎም ኣብ ዝተፈላለዩ ቦታታት ዝከላበቱ ዘለው ዜጋታት ነባሪ ፍታሕ ክረኽቡ ሓቲቶም። አባገዳ ደንቢቦ ማሮ ነዚ ሕቶ ዘቕረቡ ብባህልን ልምድን ማሕበረሰብ ጌድኦ “ዳራሮ” ተባሂሉ ዝጽዋዕ ዓመታዊ ኣብ ዝኽበር ናይ ምስጋናን ጸሎትን በዓል’ዩ። ንሶም ብተወሳኺ ካብ መነባብርኦም ንዝተመዛበሉ ወገናት ኩሎም ኢትዮጵያዊያን ሓገዞም ከበርክቱ ጻውዒት ኣቕሪቦም።

“ኣብ ካልኣይ ደረጃ ዘለኹም፡ ንናይ ኮሌጅ ትምህርቲ ገንዘብ ፍጹም ክትከፍሉ የብልኩምን” ቤቴል ኢሳያስ

ኣብ ክፍለ ግዝኣት ሜሪላንድ ዝመደብሩ ስፖርታዊ ማሕበር መንእሰያት ኤርትራዊያን ኣሜሪካዊያን ዝሓለፈ ቀዳም 16 መጋቢት 2019 ንተምሃሮ ካልኣይ ደረጃን ናብ ኮሌጅ ዝኣትውን ዝምልከት ዓውደ ስራሕ ወይ ዎርክሾፕ ኣአንጊዱ ነይሩ። ኣብ 2011 ብውሑዳት ወለዲ ኣብ ግዝኣት ሜሪላንድ ተጀሚሩ ኣብ 2015  `ማሕበር ኤርትራውያን ኣመሪካውያን መንእሰያት ስፖርት` ብዝብል ወግዓዊ ሽም ዝተመዝገበ ኤሬ-ስታር፡ ኣብ`ዚ እዋን`ዚ ልዕሊ 160 ኣባላት ተማሃሮ ሒዙ ንብዙሓት ተማሃሮ ካልኣይ ደረጃን ተማሃሮ ኮሌጃትን ናይ ሓበሬታን ምኽርን ባይታ ኣብ ምፍጣር ዓቢይ ስራሕ ይሰርሕ ኣሎ።   “መንእሰያት ብዲሲፕሊንን ፍልጠትን ተሃኒጾም ኣብ ማሕበረሰቦም ንፉዓትት ዕዉታትን ከምኡ`ውን ናይ ጽባሕ መራሕት ክኢላታትን ኮይኖም ክወጹ ኤሪ-ስታር ይጽዕር”። ኣብ`ቲ ዝሓለፈ ቀዳም ዝተገብረ ዓውደ-ስራሕ ወይ ዎርክሾፕ፡ ናብ ኮለጃት ንምእታው ዘሎ ዕድላት ስኮላርሺፕን ኣብ ኮሌጃት ዘሎ ክትክተሎ ዝግባእ ምርጫታትን ዝምልከት ፡ ካብ ኮሌጅ ዝተመረቑን ሰብ-ሞያ መንእሰያትን ተመክሮታቶምን ፍልጠታቶምን ኣካፊሎም። ብዛዕባ ናጻ ስኮላርሺፕ ንምርካብ ብዙሕ ዕድላት ከምዘሎ ንምርኣይ “ኣብ ካልኣይ ደረጃ ዘለኹም፡ ንኮሌጅ ገንዘብ ፍጹም ክትከፍሉ የብልኩምን” ትብል  ቤቴል ኢሳያስ ፕሮጀክት ማናጀር ኣብ ኢንተርናሽናል ደቨሎፕመንት። መደብ ኤርትራውያን ኣብ ኣሜሪካ ቀዳማይ ክፋል ኣብ`ዚ ምስማዕ ይክኣል።  

VOA60 America - Nebraska, South Dakota, and Wisconsin have declared national emergencies due to record breaking flooding

Nebraska, South Dakota, and Wisconsin have all declared national emergencies due to record breaking flooding

VOA60 World PM - ‘Trump of the Tropics’ Visits White House

‘Trump of the Tropics’ Visits White House

VOA60 Africa - Mozambique Braces for Rising Death Toll After Cyclone

Mozambique Braces for Rising Death Toll After Cyclone

ካብ መጥቓዕቲ ተኹሲ ኒውዝላንድ ዝተረፉ ኢትዮጵያዊ ብዛዕባ’ቲ ፍጻመ ይዛረቡ

ኣብ ዝሓለፈ ዓርቢ ኣብ እዋን ጸሎት ዓርቢ ኣብ ክልተ መሳጊድ ኒውዝላንድ ከተማ ክራይስትቸርች ኣብ ዝተፈጸመ መጥቓዕቲ ተኹሲ ካብ መንጎ ዝቖሰሉ ኢትዮጵያዊያን ከምዝርከብዎም ተገሊጹ። ኣብ ዝሓለፈ ዓርቢ ኣብ ኒውዝላንድ ከተማ ክራይስት ቸርች ሓደ ዕጡቕ ኣብ ልዕሊ ክልተ መሳጊድ ኣብ ልዕሊ ኣምነቲ ተኹሲ ከፊቱ 50 ሰባት ቀቲሉ ካልኦት 30 ሰባት ቆሲሎም። ኣብቲ እዋን’ቲ መጥቓዕቲ ኣብቲ መስጊድ ካብ ዝነበሩ ብህይወት ካብ ዝተረፉ ኢትዮጵያዊ ኣቶ ዓብደልቃድር አባገሮ ሓደ’ዩ። ንሶም ብዛዕባ’ቲ ኩነታት ንድምጺ ኣሜሪካ ቋንቋ ኣፋን ኦሮሞ ዝሃብዎ ቃል ኣብዚ ምስማዕ ይክኣል።  

ዘይሕጋዊ ስደት ዜጋታት ደው ንምባል ዝዓለመ መድረኽ ምኽክር ኣብ ከተማ መቐለ ተኻይዱ

ንሕርሻዊ ስራሕቲ ብምባል ካብ ኢትዮጵያ ናብ ሱዳን ብዘይሕጋዊ መንገዲ ዶብ ዝሰግሩ ዜጋታት ብሕጋዊ መስርሕ ንምእታው ዝዓለመ ብምትሕብባር ዩኒቨርስቲ መቐለን ዩኒቨርስቲ ገዳሪፍ ሱዳን  ዝተዳለወ መድረኽ ኣብ ከተማ መቐለ ተኻይዱ። ኣብቲ ዝተኻየደ መድረኽ ብዘይሕጋዊ መንገዲ ናብ ሱዳን ዝሰግሩ ዜጋታት ኣካላውን ስነ ኣእምሮኣዊን ፀገም ከም ዘጋጥሞም ተሓቢሩ። ኣብ ነፍሲ ወከፍ ዓመት ካብ ክልላት ትግራይን ኣምሓራን ብኣማኢት አሸሓት ዝቑፀሩ ዜጋታት ንሕርሻዊ ስራሕቲ ብዝብል ብዘይ ሕጋዊ መንገዲ ዶብ ኢትዮጵያ ተሳጊሮም ናብ ሱዳን ይኸዱ ኣለዉ። በዚ ድማ እዞም ዜጋታት ኣብ ኢድ ደላሎ ብምውዳቕ ምግልታዕ ይበፅሖም እዩ። ነዚ ንምትራፍ መንግስታት ክልትኤን ሃገራት ኣብዚ ጉዳይ ሕጊ ንምውፃእ ኣብ ዝገብርዎ ዘለው ፃዕሪ እታዎት ዝኸውን መድረኽ ምኽክር ብምትሕብባር ዩኒቨርስቲታት  መቐለን ገዳሪፍን (ሱዳን) ኣብ ከተማ መቐለ ዋዕላ ተኻይዱ። ኣብ ኤጀንሲ ኢሚግሬሽንን ሓላፊ ኣተሓባበሪ ኬላታት ዶብ ኣይተ ግርማይ የማነ ብሰንኪ ዘይሕጋዊ ምንቅስቃስ ዜጋታት ጉድኣት ይበፅሖም ኣሎ ኢሎም። ንሶም ብተወሳኺ እዚ ዘይሕጋዊ ምስግጋር ሰባት ንምክልኻል ኣብ ዝግበር ፃዕሪ ምሁራን ዘካይድዎም መፅናዕትታት ንመንግስቲ ብምቕራብ ለውጢ ኣብ ምምፃእ ሓጋዚ እዩ ኢሎም። ኣብቲ ዘተ ተወከልቲ መንግስቲ ሱዳንን  ምሁራንን ዝተሳተፉ ክኾኑ ከለው ካብ ኢትዮጵያ ድማ ተወከልቲ መንግስቲን ካብ ዩኒቨርስቲታት መቐለ፣ ባህር ዳርን ጎንደርን ዝመጹ ምሁራን’ውን ተሳተፍቲ ኔሮም። ኣብቲ መድረኽ ፅሑፍ ካብ ዘቕረቡ ዳይሬክተር ኢንስቲትዩት መፅናዕቲ ስነ ህዝቢ ዩኒቨርስቲ መቐለ ዶክተር ክንፈ ኣብርሃ ኣብ ዝሓለፉ 10 ዓመታት ካብ ኢትዮጵያ ልዕሊ 1.5 ሚሊዮን ዜጋታት ብዘይሕጋዊ መንገዲ ካብ ሃገር ምውፀኦም ተዛሪቦም ካብዚኦም እቶም ልዕሊ 30 ሚእታዊት ካብ ትግራይ ዝተሰደዱ ምኻኖም ዩኒቨርስቲኦም ዘካየዶ መፅናዕቲ ጠቒሶም ተዛሪቦም። በዚ ስደት ልዕሊ 1.1 ቢሊዮን ዶላር ዘይሕጋውያን ደላሎ ከምዝወሰዱ በቲ መፅናዕቲ ተረኺቡ ኢሎም። ናይ ጉልበት ስራሕ ንምስራሕ ብዝብል ካብ ኢትዮጵያ ናብ ሱዳን  ብዘይሕጋዊ መንገዲ ዝሰግሩ ዜጋታት ብብዝሒ ኣለዉ ዝበሉ ዶክተር ክንፈ እዚ ዝኸውን ዘሎ ነዞም ዜጋታት ዘተኣናግድ ሕጊ ስለ ዘየሎ እዩ ኢሎም። ብተመሳሳሊ መድረኽ  ኣብ ካርቱም፣ ገዳሪፍን ባህርዳርን ተኻይዱ ከምዝነበረ ተሓቢሩ።   ምክትል ፕረዚደንት ዩኒቨርስቲ ገዳሪፍ ኢብራሂም ዓብደልሰላም ከምዚ ዓይነት መድረኽ ንክልቲኤን ሃገራት ዓብዪ ኣበርክቶ ኣለዎ ክብሉ ገሊፆም። ምሉእ ትሕዝቶ ኣብዚ ምስማዕ ይክኣል።  

ሰበ ስልጣን ኔዘርላንድስ ጠንቒ መጥቓዕቲ ባቡር ንምፍላጥ ምርመራ የካይዱ

ፖሊስ ኔዘርላንድስ ትማሊ ሶኑይ ንሰለስተ ሰባት ዝቐተለን ንካልኦት ሓሙሽተ ሰባት ዘቑሰለን ኣብ ከተማ ዩትረት ኣብ ዝርከብ መንገዲ ባቡር ናይ ዝተፈፀመ መጥቓዕቲ ምኽንያት ንምውሳን ይሰርሕ ምህላው ኣፍሊጡ። ፖሊስ ንስዓታት ብዘካየዶ ዳህሳስ ኣብ ቱርኪ ዝተወለደ 37 ዓመት ዝዕድሚኡ ተጠርጣሪ ጎክመን ታኒስ ኣብ ትሕቲ ቀይዲ ኣእትዩ’ሎ። ተገልገልቲ ባቡር’ታ ከተማ  ሎሚ ሶሉስ ባቡር ምጥቓም ጀሚሮም ኣለው። ነባሪት ከተማ ዩትረት ዝኾነት ሩስ ብለንጀንበርግ ብዛዕባ’ቲ ፍጻመ ከምዚ ትብል።  “ዘሕዝን እዩ።እወ ፈሪሐ እየ፤ምኽንያቱ እቲ ዝተፈፀመ ነገር ዘፍርሕ እዩ።” ተማሃሪት ካልኣይ ረጃ ዝኾነት ትረዠረር ማኒንጋ በቲ መጥቓዕቲ ኣይፈራሕኹን ትብል። “ኣይፈራሕኹን ምኽንያቱ ናቶም ድልየት ንክንፈርሕ እዩ።ግን ኸኣ ኣብ ገዛእ ከተማኻ ቁርብ ድሕንነት ከይስምዓካ ዝገብር እዩ።” ጀሪዮን ቫን ዶርንኪ ዝተባህለ ሰራሕተኛ ባቡር ዘሕዝን እዋን ምዃኑ ብምግላፅ ነዚ ዝፈፀመ ኣሸባሪ ዘይኮነስ ሓደ ናይ ኣእምሮ ፀገም ዘለዎ ሰነፍ ወይ ዘይርድኦ ሰብ ኮይኑ ይስምዓኒ ክብል ይገልፅ። ቀዳማይ ሚንስተር ኔዘርላንድስ ማርክ ሩተ ንጋዜጠኛታት ኣብዝሃብዎ መግለፂ እቲ ናይ ትማሊ ሶኑይ ፍፃመ ግብረሽበራዊ መጥቓዕቲ እንተኾይኑ ንምውሳን እዋኑ ገና እዩ ኢሎም። ኣገልግሎት ዜና ቱርኪ ዝኾነ ኣናዶሉ ከምዝፀብፀቦ ኣብ ቱርኪ ዝርከቡ ኣዝማድ ታኒስ እቲ ኣጋጣሚ ኣካል ናይ ቤተሰብ ምስሕሓብ ክኸውን ይኽእል እዩ ክብል ሓቢሩ’ሎ።

ብርክት ዝበሉ መንእሰያት ወዲቡ ዝንቀሳቀስ ዘሎ ትካል ወወክማ መቐለ

ካብ ዝጣየሽ ኣስታት 50 ዓመታት ዘቑጸረ ወወክማ መቐለ ብርክት ዝበሉ መናእሰይ ወዲቡ ኣብ ምንቅስቃስ ከምዝርከብ ዳይረክተር እቲ ትካል መንእሰይ ኣማኒኤል ካሕሳይ ገሊፁ። ከም አገላልፃ መንእሰይ ኣማኒኤል ካሕሳይ ወወክማ ማለት ወጣት ወንዶች ክርስትያን ማሕበር እዩ። እዚ ማለት ደቂ ተባዕትዮ መናእሰይ ክርስትያን ማሕበር ማለት እዩ። እዚ ትካል ንፈለማ ግዜ ብራእሲ መንገሻ ተጣይሹ፡ ድሒሩ  ብዘመን ሃይለስላሰ ድማ ብደረጃ ሃገር ኣፍልጦ ረኪቡ ብኣዋጅ ተጣይሹ። ኣብ ግዜ ስርዓት ደርጊ ተዓፅዩ እኳ እንተነበረ ድሕሪ ውድቀት ደርጊ ከምሓድሽ ስራሕ ክጅምር ተገይሩ። ብዛዕባ ንጥፈታት’ቲ ትካል ምስ ዳይሬክተር’ቲ ትካል ዝተኻየደ ቃለ መጠይቕ ኣብዚ ምስማዕ ይክኣል።  

ብርክት ዝበሉ መንእሰያት ወዲቡ ዝንቀሳቀስ ዘሎ ትካል ወወክማ መቐለ

ካብ ዝጣየሽ ኣስታት 50 ዓመታት ዘቑጸረ ወወክማ መቐለ ብርክት ዝበሉ መናእሰይ ወዲቡ ኣብ ምንቅስቃስ ከምዝርከብ ዳይረክተር እቲ ትካል መንእሰይ ኣማኒኤል ካሕሳይ ገሊፁ።

ኢጣልያ፡ ካብ ማእከላይ ዝደሓኑ 49 ስደተኛታት ከምዘይትቕበል ኣፍሊጣ

ሚንስትር ውሽጣዊ ጉዳያት ኢጣልያ ማትዮ ሳልቪኒ  ሃገሮም ካብ ማእከላይ ባሕሪ ዝደሓኑ 49 ስደተኛታት  ከምዘይቕበሎም ሓቢሮም። እቶም ስደተኛታት ብኢጣልያዊ ትካል ግብረ ሰናይ ሚዲተራንያ ካብ ገማግም ባሕሪ ሊብያ ትማሊ ሶኑይ ድሒኖም ኣብ ገምገም ደሴት  ላምፓዱሳ ይርከቡ እንተሃለው ሚንስትር ውሽጣዊ ጉዳያት ኢጣልያ ማትዮ ሳልቪኒ ወደባትና ዕጽዋት’ዮም ዝብል ናይ ትዊተር መልእኽቲ ብምውፃእ ነቶም ስደተኛታት ከምዘይቕበልዎም ኣፍሊጦም ኣለው። ንሶም ወሲኾም ሎሚ ንግሆ ኣብ ዘውጽእዎ ናይ ትዊተር መልእኽቲ  ሃገሮም በዞም ናይ ዘይሕጋዊያን ኣስገርቲ ሰባት ተሓባበርቲ'ዮም ዝበልዎም ማህበራዊ ጉጅለታት “ስም ምጥፋእ” ሃገሮም ተስፋ ከምዘይትቆርጽ ሓቢሮም ኣለው።  ከንቲባ ላምፓዱሳ ቶቶ ማርቴሎ ንውሳነ ሚንስትር ሳልቪኒ ብምቕዋም ኣብ ዝሓለፈ ዓመት ጥራይ ልዕሊ 3,000 ስደተኛታት ናብታ ደሴት ምእታዎም ሓቢሮም።

ኢጣልያ፡ ካብ ማእከላይ ዝደሓኑ 49 ስደተኛታት ከምዘይትቕበል ኣፍሊጣ

ሚንስትር ውሽጣዊ ጉዳያት ኢጣልያ ማትዮ ሳልቪኒ ሃገሮም ካብ ማእከላይ ባሕሪ ዝደሓኑ 49 ስደተኛታት ከምዘይቕበሎም ሓቢሮም። እቶም ስደተኛታት ብኢጣልያዊ ትካል ግብረ ሰናይ ሚዲተራንያ ካብ ገማግም ባሕሪ ሊብያ ትማሊ ሶኑይ ድሒኖም ኣብ ገምገም ደሴት ላምፓዱሳ ይርከቡ እንተሃለው ሚንስትር ውሽጣዊ ጉዳያት ኢጣልያ ማትዮ ሳልቪኒ ወደባትና ዕጽዋት’ዮም ዝብል ናይ ትዊተር መልእኽቲ ብምውፃእ ነቶም ስደተኛታት ከምዘይቕበልዎም ኣፍሊጦም ኣለው።