ድምጺ ኣመሪካ

ታሪኻዊ መስጊድ ነጋሽ ንምልላይ ዝዓለመ መድረኽ ተኻይዱ

ታሪኻዊ መስጊድ ነጋሽ ንምልላይ ዝዓለመ መድረኽ ዝሓለፈ ቀዳም ተኻይዱ። ኣብቲ መድረኽ መራሕቲ ሃይማኖት እስልምና ካብ ዝተፈላለዩ ከባቢታት ኢትዮጵያ፣ ኤርትራን ሱዳንን ዝመጹ ተሳተፍቲ ኔሮም። ወርሒ ውልደት ነብዩ መሓመድ ምኽንያት ብምግባር መስጊድ ኣልነጃሺ ዓለምለኻዊ ተፈላጥነቱ ብምዕባይ ፍልፍል ቱሪዝም ንምግባር ዝዓለመ መድረኽ ተኻይዱ። ኣብቲ ስነ ስርዓት ካብ መላእ ኢትዮጵያ፣ ኤርትራን ሱዳንን መራሕቲ ሃይማኖት እስልምና ተሳተፍቲ ኔሮም። መምህር ያሲን ረጅኡ ታሪኻዊ መስጊድ ነጋሽ ክልላ ናሰረሑ ዝርከቡ እዮም። ታሪኽ እቲ መስጊድ ፈለማ ኣብ ውሽጢ ሃገር መሳጊድ ክላለ ምግባር ተጀሚሩ ኣሎ ኢሎም። ፕሬዚዳንት ጉዳያት እስልምና ትግራይ ሓጂ ኣደም ዓብደርቃድር ብግደኦም መስጊድ ኣልነጃሺ ኣብ መሬት ሓበሻ  ፍትሒን ማዕርነትን ደቂ ሰባት ዝተረጋገፀላ እያ ኢሎም።  “ኣብ መካ መዲና ብግልፂ ሶላት፣ ፀሎትን ኣዛንን ኣብ ዘይግበረሉ ዝነበረ እዋን መሬት ሓበሻ ኣብ ዝኾነት ኣልነጃሺ ግን ኣዛን ብግልፂ ይካየድ ነይሩ፤ ስለዚ እዚ ኸባቢ ብቕዱስነቱ ዝተመስከረሉ እዩ” ክብሉ እቶም ፕሬዚዳንት ተዛሪቦም። ኣብቲ መድረኽ ምልላይ ዝተሳተፉ ኤርትራውያን ኣመንቲ እስልምና ብወገኖም ሰላም ሳላ ዝተፈጠረ እዩ ሓበሪና ነቲ ሃይማኖታዊ ስነ ስርዓት ዝፈፀምና ኢሎም። ኣብቲ መድረኽ ዝተረኸቡ ምክትል ርእሰ ምምሕዳር ብሄራዊ ክልላዊ መንግስቲ ትግራይ ዶክተር ደብረፅዮን ገብረሚካኤል፥ ካብ ሃገራት ሱዳን፣ ኤርትራን ጅቡቲን ዝመፅኡ ኣጋይሽ ኣብቲ ቦታ ምርካቦም ርክብ ህዝቢ ምስ ህዝቢ ዘሓይል እዩ ኢሎም። መንግስቲ ክልል ትግራይ ምስ ኩሎም ዝምልከቶም ኣካላት ብምዃን ኣብ ሃይማኖት እስልምና ልዑል ክብሪ ዝወሃቦ ታሪኻዊ ቦታ መስጊድ ኣልነጃሽ መስሕብ ቱሪዝም ንምግባርን ዓለምለኻዊ ተፈላጥነቱ ንምዕባይ ክሰርሕ እዩ ክብሉ ተዛሪቦም። “ትግራይ ኣብ ካልእ ከባቢ ፍትሒ ዝሰኣነ ሰብ ዘፅልለሉ ቦታ ከምዝኾነ መስጊድ ኣልነጃሺ ህያው ታሪኻዊ ምስክር'ዩ” እውን ኢሎም። በዚ እውን ንኢትዮጵያ ይኹን ህዝቢ ዓለም ከምህር ዝኽእል ብዙሕ ቁምነገር ከምዘለዎ ተዛሪቦም። እቶም ምክትል ርእሰ ምምሕዳር እቶም ካብ ካልኦት ሃገራት ዝመፅኡ ኣጋይሽ ብምምስጋን “ሓደ ጊዘ ጥራሕ እትመፅኡ ዘይኮነስ ኩሉ ጊዜ ክትመላለሱ ኢና ንደሊ” ኢሎም። ምሉእ ትሕዝቶ ኣብዚ ምስማዕ ይክኣል።    

ፈጻሚ ስራሕ ኢህወዲግ ከኻይዶ ዝቐነየ አኼባ ዛዚሙ

ኣብ ኢትዮጵያ ይላየድ ዘሎ ለውጢ ዓሚቕን ሰፊሕን ተስፋ ሒዙ እንተመፀ እውን ስግኣታት’ውን ዝሓዘለ እዩ ኢሉ ኣኼብኡ ሎማ ዝወድአ ፈፃሚ ስራሕ ኢህወዴግ ኣፍሊጡ።ዝተወደቡ ፀረ ለውጢ ኣተሓሳስባታት ብድሆታት ኮይኖም ኣለው እውን ኢሉ።  ኣብ መንጎ ኣባል ፓርትታት ዘሎ ፀገማት ኣካይዳን ነንባዕልኻ ምጥርጣራትን ክዕረዩ ኣብ ምርድዳእ ከምዝተበፅሐ ሓቢሩ’ሎ። ካብ 7 ጥሪ ክሳብ ሎማ ዓርቢ 10 ጥሪ 2011 ዓ.ም ኣኼባ ዘካየደ ፈፃሚ ስራሕ ኢህወዴግ ኣብ መወዳእታ ኣብዘውፅኦ መግለፂ ተስፋታትን ፈተናታትን ጎኒ ንጎኒ ይጉዓዙ ኣለው ኢሉ። እቲ መግለፂ እቲ ለውጢ ዘምፅኦም ውፅኢታት፣ዘጋጥሙ ዕንቅፋታትን ንቕድሚ ከጋጥሙ ኣብ ዝኽእሉ ኩነታትን ብዕምቆት ብምዝታይ ኣንፈት ከምዘቐመጠ ይገልፅ ።  ፖለቲካዊ ሃውህው ኣብ ምስፋሕ፣እሱራት ብይቕሬታን ምሕረትን ክፍትሑ፣ዕጥቓዊ ቓልሲ የካይዱ ዝነበሩ ሓይልታት ናብ ኢትዮጵያ ክምለሱ፣መግሃስቲ ሰብኣዊ መሰላት ንምእራም ዝተወስዱ ስጉምትታትን ካልኦትን ብኣወንታ ዘርዚሩ’ሎ።  እቲ ለውጢ ስግኣት ሒዙ ምምፅኡ እውን ፈፃሚ ስራሕ ኢህወዴግ ገምጊሙ’ሎ።ለውጢ ህዝባዊ መሰረት ሒዙ ብኢህወዴግ ይምራሕ እንተሃለወ እውን ህዝባዊ መሰረት ዘይብሎም ፀረ ለውጢ ኣረኣእያታት ብዝተዋደደ እናተመርሑ ብድሆታት ኮይኖሞ ኣለው ኢሉ’ሎ።  እቲ መግለፂ  ወሲኹ ኣብቲ ህዝቢ ዘሎ ምድንጋርን ኣብ እዋን ለውጢ ከጋጥሙ ዝኽእሉ ናይ ኣመራርሓ ጉድለታትን ከምኡ እውን መንነትን ካልኦት ኣጀንዳታትን ንመፈፀሚ ዕላማታቶም የውዕሉዎ ኣለው ይብል።ፅንፋዊ ኣካይዳ ብምኽታል ናይ ባዕሎም ድልየት ንምፍፃም ኣብ ህይወት፣ኣካልን ንብረትን ዜጋታት ጉድኣት ክወርድን ዜጋታት ካብ መንበሪኦም ክመዛበሉን ይሰርሑ ኣለው ይብል።  ፈፃሚ ስራሕ ኢህወዴግ ካብ ኣርባዕቲአን ኣባል ውድባት ናይ ኦሮሞ ዴሞክራሲያዊ ፓርቲ፣ናይ ኣምሓራ ዴሞክራሲያዊ ፓርቲ፣ናይ ደቡብ ኢትዮጵያ ህዝብታት ዴሞክራሲያዊ ምቅስቓስን ህዝባዊ ወያነ ሓርነት ትግራይን ዝተዋፅኡ 36 ኣባላት ዝሓቖፈ እዩ።  ኣብ ኢትዮጵያ ይካየድ ዘሎ ለውጢ ስዒቡ ኣብ መንጎ ኣባል ውድባት ዘሎ ሓድነትን ናይ ዕላማ ምትእስሳርን ኣብ ሕቶ ዘእትው ክስተታት ክርኣዩ ፀኒሖም ኣለው።  እቲ መግለፂ ኣብ መንጎ ኣባል ፓርትታት ዘሎ ናይ ኣካይዳ ዘይምቅዳውን  ምጥርጣርን ብግልፂ ከምዝተልዓለ፣እዞም ፀገማት ንመጻኢ ክፍትሑ ኣብ ምርድዳእ ከምዝተበፅሐን እቲ መግለፂ ሓቢሩ’ሎ።

ደያኑ ውድድር ሽንግርዋ ኣካዳሚን ተወዳዲሮም ዘይሓለፉን እንታይ ይብሉ?

ራብዓይ ዙርያ ውድድር ሽንግርዋ ኣካዳሚ ኣብ ስለስተ ምድባት ተኸፋፊሉ ን18 ኣዋርሕ ክካየድ ድሕሪ ምጽናሕ ዝሓለፈ 29 ታሕሳስ 2018 ኣብ ሲነማ ሮማ ኣስመራ ብዝተካየደ ሓሙሻይን ናይ መወዳእታን መድረኽ  ምዝዛሙ ይፍለጥ። ኣብ`ዚ ራብዓይ ዙርያ ውድድር ሽንግርዋ ኣካዳሚ ኣብ ደርፊ 446፡ ኣብ ትልሂት 144 ፡ ኣብ ምልከት ያታዊ መሳርሒ ሙዚቃ ድማ 70 ብድምር 660 ተወዳደርቲ ተሳቲፎም። ንምዃኑ ፍርዲ ድያኑ ከመይ ኔሩ? እቲ ዝድለ ብቕዓት`ከ ወጺኡ`ዶ? ቅር ዝበሎም ተወዳደርቲ እንታይ ይብሉን፡ ንዕኦም ንምርዳእ ዝተገብረን እንታይ ኔሩ? ንሎሚ ብመጠኑ ንምርኣይ ተፈቲኑ`ሎ። ምሉእ ትሕዝቶ ኣብዚ ምስማዕ ይክኣል ።      

ኮሌጅ ሕክምናን ስነ-ፍልጠት ጥዕናን ኦሮታ ኣብ ምፍራይ ብቑዓት ሓካይም ዓቢ ተራ ከምዘለዎ ተገሊጹ

ኮሌጅ ሕክምናን ስነ-ፍልጠት ጥዕናን ኦሮታ ብብግዚኡ ዘመርቕዎም ሞያውያን ሓካይም ኣብ ኣገልግሎት ጥዕና ሕብረተስብ ዓቢ ኣበርክቶ ከምዘለዎ ዲን ናይ’ቲ ኮሌጅ ኣሶሸትድ ፕሮፈሰር የማነ ስዩም ንድምጺ ኣሜሪካ ሓቢሩ። ኣብ ፈለማ 90ታት ውሑድ ዝነበር ቁጽሪ ዶክተራት ኣብዚ ሕጂ እዋን ወሲኹ ብምህላዉ ሓደ ዶክተር ን35 ሽሕ ሕሙማት ዝነበር እቲ መጠን ሓደ ዶክተር ን16 ሽሕ ሕሙማት ጺሑ ከምዘሎ ጸብጻባት ሚንስትሪ ጥዕና የመልክቱ። መማህራንን፡ተማሃሮን ተመረቕትን ብወገኖም እቲ ዝወሃብ ናይ ክልሰ ሓሳብን ግብርን  ትምህርቲ  ኣብ ውሽጢ ሕብረተሰብ ንዘሎ ጸገማት ጥዕና ንምፍታሕ ኣዝዩ ሓጋዚ ከምዝኾነ ተዛሪቦም።     ምሉእ ትሕዝቶ ኣብዚ ምስማዕ ይክኣል።  

ቃለ መጠይቕ ምስ ጋዜጠኛ ሃና ጆይ ገብረስላሴ

ጋዜጠኛ ኣብ ክፍለ ግዝኣት ኢሎኖይስ ዝርከብ መደበር ቴሌቭዥን ዝነበረት ኣብዚ ሕጂ እዋና ናይ ገዛእ ርእሳ ብኢንተርነት ዝመሓላለፍ መደበር ቴሌቭዥን ዝጀመረት ሃና ጆይ: "ዓወት ጉዕዞ እምበር መዓልቦ ኣይኮነን" ብምባል ተመክሮኣ ተኻፍል።

VOA60 World PM - White House says U.S. making progress with North Korea

White House says U.S. making progress with North Korea

VOA60 America - Pelosi Delays Afghan Trip After Trump Leaks Travel Plans

Pelosi Delays Afghan Trip After Trump Leaks Travel Plans

VOA60 Africa - African Union Urges Congo to Suspend Final Election Results

African Union Urges Congo to Suspend Final Election Results

ዘተ: ኣብ መንጎ ኤርትራን ኢትዮጵያ ዝቐፀለ ርክብ ሰላምን ዝበፅሐሉ ደረጃንን

ዘተ: ኣብ መንጎ ኤርትራን ኢትዮጵያ ዝቐፀለ ርክብ ሰላምን ዝበፅሐሉ ደረጃንን፣ኣብ መንጎ ክልቲኦም መንግስታት ዝካየዱ ዘለው ስምምዓት ንህዝቢ ማዕረ ክንደይ ግልፂ ይኾነለው ዝብሉን ኩነታት ናይቲ ዞባን ትትንታነን። ኣጋይሽና ዶ/ር መሓሪ ታደለ ማሩን ዶ/ር ዓወት ወልደሚካኤልን እዮም።

VOA60 World PM - Pakistan Trying to Arrange US-Taliban Meeting

Pakistan Trying to Arrange US-Taliban Meeting

ጸብጻብ ሁማን ራይትስ ዎች ዓመተ 2019

መንግስታት ምብራቅ ኣፍሪቃን ቀርኒ ኣፍሪቃን ኣብ ዝተዛዘመ ዓመተ 2018 ዝተኻየዱ ሰላማዊ ተቓውሞታት ፡ መራሕቲ ፖለቲካን ጋዜጠኛታትን ብግልጺ ጨቑኖም ክብል ሁማን ራይትስ ዎች ኣፍሊጡ። መንግስታት’ቲ ከባቢ ናይ ህዝብታት ሓሳብካ ብነጻነት ምግላጽን መሰል ምእካብን ክኽበር ዝያዳ ክሰርሑን ብዕጡቃት ሓይልታት ዝፍጸሙ ገበናት ናብ ሕጊ ምቅራቦም ከረጋግጹን እቲ ጉጅለ ተሓላቒ ሰብኣዊ መሰላት ካብ ናይሮቢ ሎሚ ኣብ ዝዘግሖ ጸብጻቡ ጸዊዑ’ሎ። ሁማን ራይትስ ዎች ኣብቲ ሎሚ ዝዘግሖ ጸብጻብ ናይ ልዕሊ 100 ሃገራት ኣተሓሕዛ ሰብኣዊ መሰላት መርሚሩ’ሎ። ምሉእ ትሕዝቶ ኣብዚ ምስማዕ ይክኣል።  

39 ሚሊዮን ኢትዮጵያዊያን ህፃናት ብከቢድ ድኽነት ከምዝሳቐዩ ሓደ መፅናዕቲ ኣፍሊጡ

39 ሚሊዮን ኢትዮጵያዊያን ህፃናት ብከቢድ ድኽነት ከምዝሳቐዩ ሓደ መፅናዕቲ ኣፍሊጡ።መጠንን ዕሙቐትን ድኽነት ካብ ከተማ ኣብ ገጠር ከምዝገድድ እቲ መፅናዕቲ ሓቢሩ’ሎ። እቲ በዓል ብዙሕ ገጽ ድኽነት ህጻናት ኢትዮጵያ ዝብል መጽናዕቲ ከምዝሃበሮ ኣብ ኢትዮጵያ ካብ ዘለው ትሕቲ 18 ዓመት ዝዕድሚኦም 41 ሚልዮን ህጻናትን ቆልዑን እቶም 36 ሚልዮን ዝኾኑ መባእታዊ ማሕበራዊ ኣገልግሎት ክረኽቡ ዘይክእሉ እዮም ይብል። ምሉእ ትሕዝቶ ኣብዚ ምስማዕ ይክኣል።  

ኢትዮጵያ ምስ ጅቡቲ ዘራኽባ መንገዲ ዳግም ከምዝተኸፍተ ተገሊጹ

ኢትዮጵያ ምስ ጅቡቲ ዘራኽባ መንገዲ ዳግም ሎሚ ከምዝተኸፍተ ሰብስልጣን ክልል ሶማል ንድምጺ ኣሜሪካ ገሊጾም።እቲ ፅርጊያ ዝተዓፀወ ፍሉይ ሓይሊ ክልል ዓፋር ንዝተበፅሐ ምርድዳእ ብምጥሓስ ንኣባላት ብሄረሰብ ሶማል ድሕሪ ምዝንባሉን ን18 ሰባት ድሕሪ ምቕታሉን እዩ ክብል ምኽትል ርእሰ ምምሕዳር ክልል ሶማል ኣቶ ኣደም ፋራሕ ሎሚ ንድምጺ ኣሜሪካ ተዛሪቦም። ምሉእ ትሕዝቶ ኣብዚ ምስማዕ ይክኣል።  

VOA60 America - Ex Trump Lawyer Cohen Paid Man to Rig Online Polls

Ex Trump Lawyer Cohen Paid Man to Rig Online Polls

VOA60 Africa - Somalia: President Mohamed Farmajo tweets that he strongly condemns the terrorist attack in Nairobi

Somalia: President Mohamed Farmajo tweets that he strongly condemns the terrorist attack in Nairobi

ፈጻሚ ስራሕ ኢህወዲግ ንለውጢን ልዕልና ሕጊን ዝምልከት ኣኼባ የካይድ ኣሎ

ኮሚቴ ፈፃሚ ስራሕ ኢህወዴግ ኣብታ ሃገር ይካየድ ኣብዘሎ ለውጥን ምኽባር ልዕልና ሕጊ ብዝምልከት ይዘራረብ ከምዘሎ ተገሊፁ።ካብ 36 ኣባላት ፈጻሚ ስራሕ ሓደ ዝኾኑ ሓላፊ ቤት ፅሕፈት ኢህወዴግ ኣቶ ፈቃዱ ተሰማ ንድምጺ ኣሜሪካ ኣብዝሃብዎ ቃል ኣብቶም ኣጀንዳታት ነፃን ግልፅን ምይይጥ የካይድ ኣሎ ኢሎም። ንሶም ኣስዒቦም እቲ ኣኼባ እቲ ለውጢ የጋጥሞ ዘሎ ፈተናታት ልዕልና ሕጊ፤ስርዓት ኣልቦነት፣ፅንፋዊነት፣ዝተወደበ ስርቅን ኣተሓሕዛ ሰብኣዊ መሰላትን ብዝምልከት ዝተሰርሑ ስራሓት’ውን ዝግምግም እዩ ኢሎም። “ብፍላይ ኣብ መንጎ ኢህወዴግ ዘለው ፖለቲካዊ ውድባት ዘሎ ምጥርጣራት፣ኣብ ዴሞክራሲያዊ ጥርናፈ ዝርኣዩ ነገራት፣ንሓድነት ኣመራርሓ ዝሽርሽሩ ነገራት ብዝርዝር፣ብግልፂ፣ብብስለትን ሓላፍነትን ብዝተመልኦ ኣገባብ ምዝርራብን ምእራምን ዝከኣለሉን ሓድነት ዝሕይለሉ ኣንፈት ምቕማጥ እዩ።” ብገበን ስለዝተጠርጠሩ ኣብ ኣኼባ ፈፃሚ ስራሕ ዘይሳተፉ ኣባል ኣለው ዝብሃል ሓቂ ድዩ ተባሂሎም ዝተሓተቱ ኣቶ ፈቃዱ  እቲ ኣኼባ ናይ ውልቀ ሰብ ወይ ናይ ሓደ ፍፃመ ዘይኮነስ ኣብ ሃገራዊ ጉዳያት እዩ ኢሎም ። 

“ኣብ ወፍሪ ፕረ. ትራምፕ ምስ ሩስያ ሰሪሖም ክኾኑ ይኽእሉ፡ትራምፕ ግን ብዛዕባ’ዚ ኣይፈልጡን’ዮም” ሓደ ካብ ጠበቓታት ፕረ. ትራምፕ

ሓደ ካብ ጠበቓታት ፕረዚዳንት ዶናልድ ትራምፕ ሩዲ ጁሊያኒ ገለ ሰበስልጣን ወፍሪ ምርጫ ትራምፕ ፕረ.ትራምፕ ንክዕወቱ ምስ ሩስያ ሰሪሖም ክኾኑ ይኽእሉ እዮም፤ትራምፕ ግን ብዛዕባ’ዚ ኣፍልጦ የብሎም  ኢሎም። "ኣብ መንጎ እቲ ወፍሪ ወይ ኣብ መንጎ ሰባት ምምስጣር ኣይነበረን ኢለ ኣይፈልጥን’" ክብሉ ናይ ቀደም ናይ ኒው ዮርክ ከንቲባ ዝነበሩ ጁሊያኒ ትማሊ ምሸት ምስ መደበር ቴሌቭዥኝ CNN  ዘካየድዎ ቃለ መጠይቕ ተዛሪቦም። ንሶም ወሲኾም "ፕረዚዳንት ኣሜሪካ ምስ ሩሲያ ምስርሖም ዋላ ሓደ መርትዖ የለን’"ኢሎም።  ናይ ፕረ. ትራምፕ ወፍሪ ምርጫ ምስ ሞስኮ ሰሪሖም ዝብል ሓዱሽ ናይ ጁሊያኒ እምነት ፕረ.ትራምፕ  ወፍሪ ኣብ ዘካየድሉ ዝነበሩ እዋን ምስ ሩሲያ ዝኾነ ውዲት የለን ክብሉ እንተወሓደ ን13 ግዜ ምስ ዝፅሓፉዎ ናይ ትዊተር መልእኽቲ ሓዊሱ ምግላጾም ይዝከር።  ኣብ ዝሓለፈ ወርሒ ፕረ.ትራምፕ ኣብ ዝፀሓፉዎ ናይ ትዊተር መልእኽቲ ናይ ትራምፕ ወፍሪ ምርጫ ምስ ሩሲያ ምስርሑ ዴሞክራት እምኒ እንተፈንቀሉ እውን ዋላ ሓደ ነገር ክረኽቡ ኣይክኣሉን ምኽንያቱ ምስ ሩሲያ ስለዘይሰራሕና እዩ ኢሎም ነይሮም።

ዓለምለኸ ቤት ፍርዲ ገበን ፕረ. ኣይቨሪኮስት ነበርን አማኻሪኦምን ካብ ማእሰርቲ ከይወጹ ኣዚዙ

ንፕረዚዳንት ኣይቮሪኮስት ነበር ላውረት ባግቦን ላዕለዋይ ኣማኸሪኦምን ዋላ’ዃ ዳያኑ ካብ ዝቐረበሎም ገበናት ኣንፃር ሰብኣውነት ነፃ እዮም እንተበሉዎም ዓለምለኸ ቤት ፍርዲ ገበን/ICC/ ካብ ቤት ማእሰርቲ ከይወፁ ኣዚዙ። እቲ ቤት ፍርዲ ብቕድሚ ትማሊ ሶሉስ ኣብ ዝሃቦ ውሳነ ሽዑ ንሽዑ ይግባይ ዝሓተቱ ዓቀብቲ ሕጊ እቲ ውሳነ እንተድኣ ዘይተሳዒሩ ናብ ዓለምለኸ ቤት ፍርዲ (The Hague) ኣይንምለስን ኢሎም ነይሮም። ባግቦን ቻርለስን ብለ ጉወደን ድሕሪ ናይ 2010  ምርጫ ኣብ ኣይቮሪኮስት ስዒቡ ዘጋጠመ ህውከት ገበናት ኣንፃር ሰብኣውነት ፈፂሞም ብዝብል ክሲ እዮም ናብቲ ቤት ፍርዲ ቐሪቦም። ባግቦ ድሕሪ መሪር ውድድር ምስተስዓሩ ስዕረቶም ኣይቅበልን ኢሎም፡ ድሕሩ ብዝተፈጥረ ምስሕሓብ ናብ ህውከት ዓሪጉ 3,000 ሰባት ሞይቶም ብኣሽሓት ዝቑጸሩ ድማ  ምስዳዶም ይፍለጥ።

መራሕቲ ዝተፈላለዩ ሃገራት ኣብ ኬንያ ዘጋጠመ መጥቓዕቲ ኾኒኖም

ኣብ ዋና ከተማ ኬንያ ናይሮቢ ብሶሉስ ኣብሓደ ሆቴልን ቤት ጽሕፈትን ብዘጋጠመ ናይ ነታጉን ተኹሲን መጥቓዕቲ 21 ሰባት ምሟቶም ፖሊስ’ታ ሃገር ሓቢሩ’ሎ። ፕረዚደንት ኡሁሩ ኬንያታ ነቲ መጥቓዕቲ ብትሪ ድሕሪ ምኹናን ምስቲ መጥቓዕቲ ብዝተሓሓዝ ገበነኛታት ክህደኑ ምኳኖም ገሊጾም። መራሕቲ ሃገራት ዓለም’ውን ነቲ መጥቓዕቲ ብትሪ ኮኒኖንም ኣለው።

መራሕቲ ዝተፈላለዩ ሃገራት ኣብ ኬንያ ዘጋጠመ መጥቓዕቲ ኾኒኖም

ኣብ ዋና ከተማ ኬንያ ናይሮቢ ብሶሉስ ኣብሓደ ሆቴልን ቤት ጽሕፈትን ብዘጋጠመ ናይ ነታጉን ተኹሲን መጥቓዕቲ 21 ሰባት ምሟቶም ፖሊስ’ታ ሃገር ሓቢሩ’ሎ። ፕረዚደንት ኡሁሩ ኬንያታ ነቲ መጥቓዕቲ ብትሪ ድሕሪ ምኹናን ምስቲ መጥቓዕቲ ብዝተሓሓዝ ገበነኛታት ክህደኑ ምኳኖም ገሊጾም። መራሕቲ ሃገራት ዓለም’ውን ነቲ መጥቓዕቲ ብትሪ ኮኒኖንም ኣለው። ሕብረት ኣፍሪቃ ነቲ መጥቓዕቲ ብምኹናን ኣብ ጎኒ ኬንያ ደው ከምዝብልን ኬንያ ግብረ ሽበራ ንምቅላስ ኣብ ተኻይዶ ጻዕርታት ደገፉ ከምዘበርኽት ሓቢሩ። ምክትል ኣቦ መንበር ሕብረት ኣፍሪቃ ኪዋሲ ኳርተርሊ “ ሕብረት ኣፍሪቃ በቲ ኣብ ልዕሊ ፈታው ሰላም ዝኾነ ህዝቢ ኬንያ ዘጋጠመ መጥቓዕቲ ሓዚኑ’ዩ። ነቲ መጥቓዕቲ ድማ ብትሪ ይኹንን ።  ኣብዛ ንሰርሓላ ዘለና ኣፍሪቃ ግብረ ሽበራ ቦታ የብሉን።  እዚ ብምግጣሙ ድማ ብጣዕሚ ዘሕዝን’ዩ። ሕብረት ኣፍሪቃ ድማ ከምዚ ዓይነት መጥቓዕቲ ዳግም ከየጋጥምን ምስቲ መጥቓዕቲ ዝተሓሓዝ ፍትሒ ንምምጻእ ደገፉን ምትሕብባሩን ክቕጽል’ዩ።” ወሃቢት ቃል ቀዳማይ ሚንስትር ኢትዮጵያ ቢልለኔ ስዩም ብወገና  ነቲ መጥቓዕቲ ብትሪ ድሕሪ ምኹናን “ ነዚ መሰል ጉዳያት ብሰላማዊ መንገዲ ክተሓዙ ኣለዎም። ምስዚ ኣብ ኬንያ ዘጋጠመ መጥቓዕቲ ብዝተሓሓዝ መንግስቲ ምስ ኢንተርፖል ብምትሕግጋዝ ተመሳሳሊ መጥቓዕቲ ኣብ ኢትዮጵያ ከየጋጥም ይሰርሕ ኣሎ”ኢላ።  ፕረዚደንት ሶማል መሓመድ ፎርማጆ ብወገኖም ሃገሮም ኣብ ኹናት ኣንጻር ግብረ ሽበራ ኣብ ጎኒ ኬንያ ደው ከምትብል ኣብ ዘውጽእዎ ናይ ትዊተር መልእኽቲ ሓቢሮም።  ኤርትራ ብወገና ኣብ ኬንያ ዘጋጠመ መጥቓዕቲ ብምኹናን ሚንስትር ጉዳያት ወጻኢ ኣቶ ዑስማን ሳልሕ ንናይ ኬንያ መዘንኦም ኣብ ዝለአኽዎ መልእኽቲ  ንህዝብን መንግስቲ ኬንያን ናይ ምጽንናዕ  ተመንዮም።ብተወሳኺ ሚንስትር ዑስማን መንግስቶም ኬንያ ግብረ ሽበራ ካብ ጎረቤት ሶማል ንምቅራፍ ኣብ ተካይዶ ጻዕሪ  ከምዝተሓጋገዝ ገሊጾም።  ኣብ ኬንያ ዝርከብ ኤምባሲ ቻይና፡ ቀዳመይቲ ሚንስትር ብሪጣንያ ተረዛ መይ፡ ኣምባሳደር ኣሜሪካ ኣብ ኬንያ ሮበርት ኮደክ’ውን ነቲ መጥቓዕቲ ብምኹናን ኣብ ጎኒ ኬንያ ደው ከምዝብሉ ሓቢሮም። ኣብ ሶማል ዝመደበሩ ጥሩፍ ጉጅለ ኣልሸባብ ሓላፍነት እቲ መጥቓዕቲ ከምዝወስድ ኣብ መርበብ ሓበሬትኡ  ምግላጹ ይፍለጥ።

Powered by rss2html